PIKIT pa ang mga mata nang magising si Farrah, wala na sa tabi niya si Paulo. Pahikab siyang bumangon, agad niyang tiningnan ang oras sa cellphone niya. Trenta minutos pa bago mag-alas otso himala yata at maaga ang gising ni Paulo. Tuluyan na rin siyang napabangon para labasin ito, tulad ng madalas nitong gawin kung nauuna itong gumising sa kaniya.
Sigurado siyang nasa kusina lang si Paulo, baka naghahanda lang ito ng almusal.
"Ang aga mo naman gumising, Pau," bungad ni Farrah kay Paulo nang maabutan niya ito sa may sala paglabas ng silid nilang dalawa.
"May tumawag lang sa opisina, Love. Lumabas na ako para hindi ka na magising pa," aniya nito sa kaniya.
Inikot ni Farrah ang tingin sa paligid, mukhang kagigising lang din nito at wala pa masyadong gulong nakakalat. Gan'on kasi si Pau
