Via Elianna
Habang nakatitig sa papalubog na araw, hindi ko maiwasang alalahanin ang masasayang ala-ala namin ni Bryle na hindi ko alam kung madadagdagan pa ba o hindi na. Pinunasan ko ang luha sa mga mata ko pero para itong isang batis na patuloy pa rin sa pag-agos kahit pinipigilan ko.
Nandito na ako ngayon sa seaside ng Santa Dalia. Alas singko y media na kaya wala nang masiyadong tao rito. Hinihintay ko na ang pagdating ni Bryle dahil gusto kong pag-usapan namin ang inilihim niya na naman sa 'kin.
"Via..."
Nangilid na naman ang luha sa mga mata ko nang marinig ang pagtawag niya sa pangalan ko mula sa likuran. Kung noo'y nasisiyahan ako sa tuwing tinatawag niya ang pangalan ko, ngayon naman... kalungkutan na ang nadarama ko.
Nilingon ko siya gamit ang malulungkot at luhaang mga mat
