Elara POV
Napatigil si Caleb at agad na inilabas ang phone niya mula sa bulsa. Sa tahimik na paligid ng sinehan, rinig na rinig ko ang pag-ring ng cellphone niya bago niya ito sinagot.
"Yes, Ysha?" sagot niya, at sa tono pa lang ng boses niya, alam kong seryoso ang usapan.
Napaatras ako nang bahagya, pilit na binabalik ang focus ko sa pelikula. Pero nang marinig ko ang sumunod niyang sinabi, hindi ko mapigilang tumingin sa kanya.
"I che-check natin ang venue now?" tanong niya, sabay sulyap sa akin.
Sa isang iglap, parang nawala ang lahat ng init na naramdaman ko kanina. Ang larong pinasok ko na may halong tuksuhan at tensyon, biglang naglaho nang marinig ko ang pangalan ni Ysha—ang babaeng totoong kasama niya sa buhay.
Nakangiti ako, pero alam kong may halong pait ang ngiting ‘yon. “
