Huminga ako nang malalim, sa paglabas ko ng Monte Alba Hospital ay kaagad din akong nagpara ng taxi. Bitbit ko pa rin iyong maleta at sling bag ko na nagmukha lang akong baliw na pagala-gala sa lugar na iyon.
Sa biyahe naman ay hindi ko masundan kung nasaan na ba kami, o kung ilang minuto na akong nakatunganga sa labas ng bintana. Tahimik ko lang pinagmamasdan ang pagdaan ng mga building sa gilid ng kalsada.
Kung tutuusin ay dalawang araw lang kaming naglagi sa Isla Mercedes, pero nakakapanibago ngayon 'yung naglalakihang building, mausok na kalsada dala ng iba't-ibang klase ng sasakyan at maraming tao na naglalakad.
Parang ang sikip, pakiramdam ko ay nasu-suffocate ako habang pinagmamasdan ang mga tao sa labas. Iyong hangin ay hindi na rin ganoon ka-fresh, kagaya sa Isla Mercedes. Maha
