Hanggang sa matangos nitong ilong, tipong karugtong yata ito ng San Juanico Bridge. Maging ang labi niyang may katamtamang kapal, may natural din iyong pagkapula na animo'y nang-aakit lang.
Ang sarap lang halikan, pero kailangan kong magpigil dahil wala itong malay. Bahagya ko pa iyong hinaplos habang hilam ng luha ang mga mata kong tinititigan iyon. Ito iyong labi na grabe kung humigop— ng kape.
"But kidding aside, kung babae man ay gusto kong isunod sa pangalan mo. Gusto ko silang pangalanan ng Melody, Melissa, Melanie and Meline at saka ko sila tatawaging Dela Vega princesses," kalaunan ay dugtong ko. "Kahit dagdagan mo pa iyan, ilang anak man ang gusto mo ay ibibigay ko, basta ay gumising ka lang."
Iyon ang huli kong naisatinig, bago tuluyang napapikit dala ng pinagsamang puyat, pag
