Narito ako sa aking kwarto at inaayusan ng mga lalakeng tagasilbi. Hindi ko alam kung anong ginawa nila sa akin at kung ano itong pinasuot nila.
Pero nang makita ko na ang hitsura ko sa harap ng salamin ay hindi ako makapaniwala na may tinatago pala akong kagwapuhan. Ganitong-ganito ang nakikita ko sa mga palabas na ayos ng mga prinsipe.
Hindi ko namalayan ang pagpasok ni Reyna Amorya dahil abala ako sa kakatingin sa mukha ko sa salamin. Nabigla na lang ako nang makitang nasa tabi ko na siya. May babaeng tagasilbi siyang kasama na nasa likuran niya. May bitbit itong natatakpan ng tela.
Baka mga alahas? Mukhang tiba-tiba ako rito, ah!
"Kailangan mo itong isuot, Mahal na Itinakdang Prinsipe." Kinuha ni Reyna Amorya ang dala ng babaeng tagasilbi.
Ang lapad na ng ngiti ko pero nang m
