Kung noong una naming pagkikita ay puro liwanag lang ang nakita ko. Ngayon naman ay klaro ko nang nakikita ang mukha niya at ang kanyang anyo.
Walang kasingganda si Inang Likha! Kahit pa sabihing may edad na siyang tingnan, pero hindi iyon nakabawas sa angkin niyang ganda. May nakaukit ng simbolo ng araw sa kanyang noo. Puti ang suot niyang damit na may halong kulay ng ginto. Nakalutang siya sa ere kaya nililipad ng hangin ang mahaba niyang damit. Wala akong ibang masabi kung hindi napakalakas niya. Nararamdaman ko iyon.
Nakahinto pa rin ang oras dahil nanatiling hindi gumagalaw ang mga tao sa paligid. Makapangyarihan nga siya at kaya niyang itigil ang oras.
Ano ba naman Adriel! Malamang makapangyarihan siya! Siya lang naman ang may likha ng buong Azaram.
"Kumusta, Adriel?"
Hindi
