KAKAUWI ko pa lang sa bahay mula sa palengke nang makatanggap ako ng tawag galing kay Astrid. "Hello, Astrid. Bakit napatawag ka?"
"Hello, Ekang. Si Alden kasi...he's in hospital right now. Pumunta ka sana dito," aniya.
Bigla ang pagbangon ng kaba sa dibdib ko. "Ha?! Bakit? Anong nangyari?"
"Ang mabuti pa siguro, pumunta ka na lang dito..."
"Okey, sige. Saang hospital ba 'yan?" matapos sabihin ni Astrid kung nasaang hospital si Alden ay umalis na ako kaagad. Bahala na kung mapagalitan ako ni Madam Loisel dahil hindi pa ako nakakapagluto.
"ASTRID, nasaan si Alden? Nabalian ba siya ng buto?! Nasa operating room na ba siya?!" natatarantang tanong ko agad nang makita ko si Astrid sa hallway ng hospital.
Umiling siya. "Relax, Ekang. Minor injury lang ang nakuha niya. Nauntog kasi siya sa
