Sa pagdagundong ng malalakas na pag atake sa loob ng palasyo ay napatayo si Nia sa labis na pag aalala para kay Zarlo. Batid niyang ang lakas na tinatamasa ni Kyaka sa tuluyang pag anib ng kanyang itim na kapangyarihan sa kapangyarihan ng kanyang Karisma ay walang kapantay. Labis ang panganib na hinaharap ni Zarlo na kanyang naiintindihan sapagkat naranansan na niya iyon nang makalaban niya si Esul.
Duguan na ang halos buong katawan ni Zarlo nang makita siya ni Nia. Walang habas ang pag atake ni Kyaka gamit ang kanyang itim na kapangyarihan. Sa lakas at galing ni Zarlo sa pakikipag laban ay wala itong nagawang panlaban sa kabila ng pagkakaroon nito ng ibayong lakas dahil kay Demelos.
Sumadsad ang duguang katawan ni Zarlo sa natitirang haligi ng palasyo. Nanatili man siyang nakatayo ay na
