Sumadsad sa sira sirang sahig sina Nia at Zarlo. Sa lakas ng pag atakeng iyon ni Kyaka ay nawalan ng malay si Zarlo. Pinilit siyang gisingin ni Nia ngunit hindi ito nagigising.
Nakita iyong magandang pagkakataon ni Kyaka upang tapusin ang kanilang laban. Muli itong sumugod sa dalawa. Mabigat man si Zarlo ay nagawa ni Nia na mabuhat ito upang makaiwas sa pag atake ni Kyaka.
Malakas ang pagsabog sa kinabagsakan ni Kyaka. Kung nanatili sila roon ay tiyak na ang kanilang katapusan.
"Zarlo! Gumising ka!"
Kahit anong pilit ni Nia sa paggising sa katunggali ay tila wala itong naririnig. Minabuti ni Nia na iwan si Zarlo sa likod ng isang malaking bato upang kanyang maharap ang kalaban nang walang inaalala.
Ngunit alam lahat ni Kyaka ang nangyayari sa bawat sulok ng kanyang palasyo. Hinarap m
