Sa tulong ng kapangyarihan ni Zenon ay nagawa ng kanilang sinasakyan ang makarating sa b****a na Elysium sa kabila ng kondisyon nito. Tanging malawak na ulap lamang at malakas na hangin ang naroroon at isang malaking pintuan na kung saan naroroon si Zarlo na buhat buhat ang katawan ni Prinsesa Ifri sa kanyang balikat.
Hindi man niya hinarap ang mga bituwing dumating ay naramdaman ni Demelos ang kapangyarihan ng mga ito at batid niyang hindi sila kumpleto.
"Ano na naman ba itong ginagawa mo, Zarlo?!" sigaw ni Vexx sa kanya nang makababa ito sa sinasakyan. Alam na alam ni Vexx na sa tindig ng dati niyang kasamahan ay gulo na naman ang kanyang hatid kaya naman hindi ito nagpakampante at agad na inihanda ang kanyang Karisma.
Ngunit ang naging sagot lamang ni Zarlo ay halakhak na nang marin
