HINDI mapakaling sumulyap si Mary sa orasan na nakasabit sa dingding ng kaniyang silid. It’s already 11PM. Hindi pa rin niya naririnig ang pamilyar na tunog ng sasakyan.
“Hindi ba siya umuuwi?” Tanong ni Mary na tumulala sa pader na tila tumatagos ang paningin sa kabilang silid.
Nang walang marinig na ingay roon at kaluskos na indikasyong may tao, bumangon si Mary at lumabas ng kaniyang silid.
Nakapatay na ang lahat ng ilaw sa salas kaya dumiretso siya sa kusina. Saktong naabutan pa roon ni Mary si Nana Tasya ang pinaka-matagal at head maid ng mga De Asis.
Napalingon ito sa kaniya mula sa pag-iinspeksyon sa mga plato at nagulat nang makitang gising pa siya. “Oh, ineng… anong oras na. Bakit hindi ka pa natutulog? May klase ka bukas, hindi ba?”
“Hindi po ako makatulog, Nana.”
“Gus
