ALAS CINCO pa lamnag ng umaga ay gising na si Bella. Maaga soyang bumangon. Kahit ano’ng late naman siya matulog ay tila may orasan ang kaniyang katawan. Nasanay siyang nagigising ng umaga kaya kahit kaunting oras lang ang itinulog niya’y bumangon na agad siya. Naghilamos siya ng mukha at lumabas sa bahay. Nayakap niya ang kaniyang sarili dahil sa pag-atake ng malamig na hangin sa kaniyang katawan. Madilim pa sa labas ngunit nagpapaligsahan na ang mga manok sa pagtilaok.
Nagpasyang bumalik si Bella sa loob ng bahay. Nang maramdaman ang pagkulo ng tiyan ay nagtungo siya sa kusina at naghanap ng makakain. Mat nakita siyang tirang kanin at pritong isda kaya kinuha niya iyon at dinala sa lamesa. Nagtimpla na rin siya ng kape na nakita niya roon. Wala siyang matinong kain kahapon at kung hind
