PABALIK-BALIK na naglalakad si Laida sa harap ng kaniyang kapatid habang nakaupo sa couch na naroon sa sala.
“Ano ba, Laida? Umupo ka nga? Kanina pa ako nahihilo sa ginagawa mo!” reklamo ni Maita na kunot ang noong inirapan ang kapatid.
“Hindi ako makapaniwalang buhay pa ang babaeng iyon, Maita! Akala ko’y tuluyan na siyang nawala sa landas ko!”
Maita smirked. “Palpak kasi ang mga binayaran mong tao, kapatid ko. Ayaw mo kasing sundin ang suggestion ko sa ‘yo.”
“Duh, hindi ko masikmurang magbait-baitan sa babaeng iyon, Maita. Paano ko gagawin iyon kung sa tuwing nakikita ko siya’y kumukulo ang dugo ko!”
“Set aside your insecurities and jealousy for the meantime, Laida. Hindi mahirap hulihin ang loob ni Bella.”
“Gawin mo ang nais mong gawin, Maita. Ang gusto ko lang naman ay mawal
