HANGGANG sa sumapit ang gabi’y hindi nagkausap sina Francis at Bella. Sa kadahilanang naging abala sina Bella sa gawaing bahay dahil maraming pinagawa at pinalinis sa kanila si Kora. Tapos si Francis naman ay naglagi sa opisina at ayon kay Kora ay masama raw ang pakiramdam. Nag-aalala si Bella sa binata kung kaya nagpasya siyang sadyain ito mamaya sa silid nito.
Nais niyang klaruhin ang nakita niyang tagpo kanina sa pagitan nito at ni Lara. May isang bahagi ng kaniyang isipan ang hindi naniniwala. Ngunit nakita mismo ng kaniyang dalawang mata. Gayonpaman ay nais niyang bigyan ng benefit of the doubt si Francis. Hindi naman niya alam kung ano talaga ang pinag-usapan ng mga ito bago narinig ni Maita ang tungkol sa Hacienda Miranda.
Inaamin ni Bella na nabahiran ang tiwalang mayroon siya
