“FRANCIS! Francis!”
Halos sabay na napalingon sina Roxanne, Win at Francis sa pintuan nang marinig ang natatarantang tawag ni Pilo. Halos kasabay nitong pumasok si Joaquin sa loob ng mansyon at hinihingal na para bang malayo ang itinakbo ng mga ito.
“Bakit?” salubong ang kilay na tanong ni Francis. Naroon sila ng mga kaibigan sa living room at nagkaanyayahan na sanang matulog dahil maaga pa bukas ang alis ng dalawa pauwi sa Iloilo nang mambulabog naman ang dalawang tauhan. Hindi niya alam kung bakit naroon ang mga ito gayong halos hating gabi na.
Binawi naman ni Pilo ang hininga bago nagsalita. “Si Bella….”
Natigilan si Francis. “What happened to her?” Bagamat nagsimulang mag-alala sa dalaga ay pinakalma niya ang boses.
Iminuwestra ni Pilo si Joaquin dahil tila hindi na ito makap
