“Ms. Gonzales, ipinatawag ka namin dahil gusto naming malaman kung totoo nga ba ang kumakalat na balita sa store. Nakarating kasi sa amin na may relasyon daw kayo ni Mr. Donor, totoo ba ito?” tanong sa akin ng HR.
Nasa head office ako ngayon dahil sa pagpapatawag sa akin ng aming HR. Ito pala ang dahilan kung bakit ako ipinatawag ngayong araw. Siyempre itatangi ko ito dahil kailangan. Kung hindi, pareho kaming mawawalan ng trabaho ni Aga. Ayaw ko namang mangyari iyon kaya nilakasan ko ang loob ko, at sumagot sa katanungan ng HR.
“Po? Ma’am wala po kaming relasyon ni Aga. Magkaibigan lang po kami,” puno ng kumpiyansa kong saad sa aming HR.
“Are you sure Ms. Gonzales? Iba kasi ang nakarating sa aming balita. Palagi raw kayong sabay ng schedules, pati off sabay rin daw kayo,” tila naninigu
