“Mahal, inaantok pa ako,” sabi ko kay Aga habang nakasandal sa kaniyang balikat.
Pang-umaga kasi ako ngayon at siyempre maaga akong bumangon. Kaya naman pakiramdam ko, kulang pa ang tulog ko.
“Bakit? Sa pagkakatanda ko maaga naman tayong nagpahinga. Maliban na lang kung nag-cellphone ka pa kagabi pagkatulog ko?” tanong naman niya sa akin.
“Hindi ah!” patamad na sagot ko sa kaniya habang nakapikit.
Nasa loob na kami ng bus at ihahatid niya ako sa trabaho ko, bago siya pumasok sa trabaho niya. Actually mamaya pang alas nuwebe ang pasok niya, pero sa bahay naman kasi siya natulog kaya ngayon sabay na kaming pumasok.
“Oh, bakit ka inaantok ngayon?” tanong pa niya ulit sa akin.
“Hindi ko rin alam,” sagot ko naman sa kaniya at mas lalo pang nagsumiksik sa kaniyang leeg.
Parang ang sarap a
