Kinabukasan ay maaga akong pumasok. Wala ni isa kina Ayen, Janice, o Thummy ang nasa opening team kaya naman boring ang araw ko. Samantalang si Aga at MJ ay parehong off. Nag-request kasi si Aga ng off ngayong araw, dahil may importante raw siyang lalakarin. Kaya naman nanatili lang ako sa opisina. Tutal hindi naman busy, kaya paper works na lang muna ang pinagkaabalahan kong ayusin.
“Uyyy, totoo ba iyong tsismis? Si Ma’am Angie raw jowa iyong si Aga? ‘Di ba bawal ‘yon?” Papunta akong bar para kumuha ng tubig nang marinig ko si Ana na tinatanong si Virgie.
“Naku, oo totoo raw ‘yon. Sobrang close nga raw nila saka palaging magkasabay. Nagde-deny pa sila, eh obvious naman sa mga galawan nila!” naka-ismid namang sabi nito.
Dahil sa busy sila sa pagtsi-tsismisan, hindi nila ako namalayang n
