EHRIS' POV
Matinding sikat ng araw ang bumungad sa akin pagmulat ng mga mata ko. Sa sobrang liwanag ay muli akong napapikit. Pilit kong inalala ang mga huling nangyari kaya napabangon ako bigla.
"Mabuti naman at gising ka na," bungad sa akin ni Aira.
"Gaano ako katagal nawalan ng malay?" tanong ko.
Nilapitan ako ni Aira at bahagya siyang ngumiti. "Sabi ni Ahana ay magkakaroon ka agad ng malay ngunit labing-dalawang oras kang nawalan ng malay."
Napamaang ako. Ganoon ako katagal nawalan ng malay? Agad akong bumaba ng bed at inayos ang sarili ko.
"Saan ka pupunta?" gulat na tanong sa akin ni Aira.
"Kailangan kong makausap si Aries," maikli kong sagot.
"Alam mo ba kung nasaan siya?" tanong naman niya sa akin.
Bahagya akong natigilan. Maliit lang naman ang Psyche World kaya siguradong
