AKEESHA'S POV
Nagising ako dahil sa liwanag na pumapasok sa kwarto. Dahan dahan kong iminulat ang mga mata ko at nakita kong binubuksan ni Athena ang mga bintana. Nang makita niya akong gising na ay napailing siya.
"Alam mo bang ako ang pinaka-late na gumising pero dahil nandito ka na, naagaw mo na ang title ko na 'yon. Dapat na ba akong magalit ulit dahil inaagawan mo na naman ako?" pabiro niyang sabi sa akin na ikinatawa ko naman.
"Good morning din," sabi ko na lang na nakangiti.
Bumangon ako at agad na nagderetso sa CR. Pinagmasdan ko ang sarili ko sa salamin. Halos hindi ko na makilala ang sarili ko dahil sa itsura ko. Gulo-gulo ang buhok ko at ang laki na rin ng eyebags ko. Ilang ulit akong naghilamos dahil bumabalik na naman ang mga isipin ko.
Paglabas ko ng CR ay may pagkain na
