"Trevor, may problema ba tayo? Napapansin ko na palagi kang tahimik. Pwede mong sabihin sa akin," pangungulit ko pa sa kanya. Mula kasi ng araw na umalis s'ya, para makipagkita sa kaibigan n'ya naging malamig na ang trato n'ya sa akin.
"Wala," tipid nyang sagot saka umiwas ng tingin.
"Ano pa lang sabi ng kaibigan mo? Kanino ka ba kasi, nakipagkita? Kay Caraig ba?"
"Helena, gusto kong magpahinga. Pwede ba iwanan mo muna ako?" mariin nyang sambit.
Nagulat pa ako sa sinabi nya hindi naman n'ya ako tinatawag sa pangalan ko, buhat ng nagkaroon kami ng relasyon. Parang may nagbago talaga sa kanya. Pakiramdam ko may tinatago sya sa akin, pero bakit ngayon pa kung kailan malapit na ang araw ng kasal namin.
"Trevor... sige na sabihin mo na sa akin. Baka matulungan kita." Umupo pa ako sa tabi
