"Evo, kamusta si Ysha? Umiiyak pa ba?" tanong ni Nanay nang makababa ako. Nagtuloy ako sa kusina upang uminom ng tubig. At panigurado magtatanong si Nanay sa mga nangyayari ngayon sa amin.
"Nakatulog na Nay, napagod sa kakaiyak." simple kong sagot.
"May gusto ka bang sabihin sa akin? Kahit hindi ka umamin, ramdam na may nangyaring hindi maganda sa inyo ni Helena. Alam mo, nalulungkot ako Hijo, bakit kung kailan malapit na kayong ikasal. Saka pa nangyari ang lahat ng ito," maluha-luhang wika ni Nanay.
"N-Nanay, may nangyari po. At alam kong pareho kaming nasasaktan ni Helena, kung ipagpapatuloy pa namin ito. Mas mabuti na rin po muna ang ganito."
"M-may kinalaman ba ito sa pagkamatay ni Ysabel?" Napahinto ako sa pag-inom ng tubig dahil sa tinanong ni Nanay.
"Nanay Linda, paano kung mal
