MAAGANG nagising si Irene ng umagang iyon. Agad siyang bumangon at nag-inat ng kaniyang katawan. Nakita niyang mahimbing na natutulog pa rin sa kabilang kutson sina April at Laura. Lumabas na siya ng kwarto upang magpunta ng banyo. Habang naglalakad siya ay dinig niya ang tunog na nililikha ng kadena niya sa paa habang kumikiskis iyon sa sementadong sahig.
Nilagpasan niya ang kusina at dumiretso sa banyo. Binuksan niya ang gripo na may timbang nakatapat. Umupo siya sa inidoro at nagbawas. Ilang minuto lang ang lumipas at tapos na siya.
Paglabas niya ng banyo ay diretso na siya sa kusina. Naghugas siya ng kamay sa lababo at binuksan ang ref. Kumuha siya ng limang itlog. Maya maya lang ay abala na siya sa pagluluto sa kusina. Matapos magprito ng itlog ay sinangag naman niya ang natirang ka
