"NAIHANDA NIYO NA ba lahat ng kailangan?" tanong ni Eros sa kausap sa telepono.
"Handa na, Eros," nakangising sabi ni Marco. "Itim na kabaong, katulad ng gusto mo."
"Mag-iingat kayo," nag-aalalang sabi ni Eros. Mas mahirap kapag kaibigan ang utusan dahil hindi siya papayag na may mangyaring masama sa mga ito.
"Huwag kang mag-alala, babalitaan ka na lang namin."
Nahigit ni Eros ang paghinga nang ibaba ni Marco ang telepono. Ito na sana ang maging huling misyon ng grupo. Hindi niya nga sinabi kay Emman ang tungkol doon. Pumunta ito sa debut ni Shaina at walang kaalam-alam sa mga plano niya.
Pinuno ni Eros ng bala ang baril at isinukbit iyon sa suot na pantalon tsaka nagsuot ng itim na jacket. Pagkatapos ay tahimik na umalis ng condo kasama ang dalawang bodyguards. Oras na para patahimik
