TATUM'S POV
"Maputik ang daanan at baka may madulas pa kaya naman idinideklara kong hindi na matutuloy ang field trip," anunsyo ni Sir Mendez na ikinanguso ng lahat. "Pero 'wag kayong mag-alala dahil itataas ko ang grado ng lahat ng dumalo ngayon," dagdag pa nito kaya napahiyaw naman sila sa tuwa.
Hindi ko lang sila pinansin.
Nakahalumbaba ako sa mesa habang tinutusok-tusok ang steak na nakahanda sa akin. Wala talaga akong ganang kumain, ewan ko kung bakit... or more likely, alam ko kung bakit, hindi ko lang matanggap.
Natigil naman ako sa aking ginagawa nang kunin ni Aimee ang plato ko at ipinalit ng sa kaniya. Nahiwa-hiwa na ang steak na naghihintay nalang na isubo at nguyain.
"Pabida." Rinig kong bulong ni Simon sa hangin at inabutan ako ng juice. Tutal ay kanina pa nanunuyo ang l
