Joaquin’s pov
KULANG na lamang ay paliparin ni Joaquin ang sasakyan niya pauwi sa kanilang bahay. Isa lang ang nasa isip niya na pwedeng manakit kay Madizon. Iyon ay ang kanyang ama. Kung akala nito ay mananahimik siya ay nagkakamali ito. Hindi niya mapapayagan ang ginawa nito. Hindi niya ito palalagpasin. Hindi niya alam kung ano ang plano ng ama niya pero isa lang ang alam niya. Ipaglalaban niya si Madizon laban dito. Minsan na siya nitong pinagbantaan kaya malakas ang loob niyang prangkahin ang ama.
Pinagbuksan siya ng katulong ng gate. Kahit binati siya nito ay hindi niya ito pinansin. Dire-deretso siyang pumasok sa loob ng bahay. Wala sa sala ang kanyang ama at kapag ganitong oras ay nasa loob ito ng library nito.
Patakbo niyang tinungo ang library room.
Hindi na siya nag-abala p
