Madi's pov
HINDI makapaniwala si Dominic nang I-kwento niya rito ang tungkol sa biglaan niyang pag-amin kay Joaquin. Wala naman talaga siyang balak na amini kay Joaquin. Nadala lamang siya sa pagkakataon lalo na at nalaman niyang ayaw sa kanya ng ama nito.
Pakiramdam niya ay hindi siya nararapat kay Joaquin dahil sa sinabi ng ama nito. Alam niya naman na mapait ang kanyang nakaraan. Aminado siya roon pero kailangan ba talaga na isumbat sa kanya ang nakaraan na pilit niyang kinakalimutan?
Ang sakit pala kapag ang pumipigil sa'yo na lumigaya ay ang pamilya ng iyong mahal.
Iyon ang nagtulak sa kanya kung kaya naamin niya ang kanyang itinatago sa lalaki. Desperada na siya ng mga oras na iyon. Hindi niya hiningi ang pagpaunawa ni Joaquin dahil ang inaasahan niya ay mawawala na ito sa kanyan
