Madi’s pov
KANINA pa nahuhulog si Madizon sa malalim na pag-iisip tungkol sa pagkatao ni Guevarra. Kung bakla si Guevarra ay paanong nasa sketch pad ito ng kapatid? Bakit kasama sa drawing ng kanyang Ate Mari si Guevarra? Hinalay rin ba nito si Ate Mari?
Nagiging palaisipan iyon sa kanya lalo pa at bakla pala ito. Gusto niyang malaman kung ano ang naging kaugnayan ni Guevarra sa kanyang kapatid.
Sinadya niyang puntahan ang kanyang Ate Mari sa bahay nito. Pagbukas niya pa lang ng pinto ay may narinig siyang nagsasalita. Natigilan siya at pinakinggan kung ang Ate Mari niya ba ang nagsasalita. Pinakinggan niya kung ano ang sinasabi ng kanyang kapatid. Kung nakakalabas nga lang ito ng bahay ay iisipin niyang may kausap ito sa cellphone dahil parang may kapalitan ito ng salita.
“Okay lang
