AKIRA’S POV
Bandang alas onse ng gabi ay bigla akong naalimpungatan. Nakatulog pala ako kanina pagkatapos naming mag-usap ni Shin at ngayon lang ako nagising. Nakakapagtaka naman na hindi man lang ako ginising ng mga kasama ko dito sa bahay upang kumain ng hapunan.
Nakakaramdam na ako ng gutom kaya nagpasya na akong bumangon. Naghilamos muna ako bago lumabas ng kwarto ko. Pagkabukas ko ng pinto ay tanging ang mga dim na ilaw na lamang ang bukas sa buong mansion. Paniguradong tulog na ang lahat dahil medyo malalim na rin ang gabi.
Tahimik akong bumaba ng hagdan. Pinilit kong hindi makalikha ng kahit na anong ingay dahil ayokong makaabala ng natutulog na lalo na ang mga bodyguard ko. Alam ko kasing pagod na pagod sila ngayong araw.
Pagkababa ko sa may kusina ay agad kong binuksan ang ref
