AKIRA’S POV
Tumingin ako sa orasan ng kwarto ko at napabuntong hininga ako ng makitang alas syete na ng gabi. Ito kasi ang oras na pinag-usapan namin ni Nathalie para magkita ngunit hanggang ngayon ay nandito pa rin ako sa kwarto ko. Nagdadalawang isip pa rin kasi ako kung tatakas ba ako o mas pipiliin ko pa rin ang sumunod sa gusto ni Shin.
Wala naman nang problema ang pagtakas ko dahil napagplanuhan na namin iyon ni Nathalie kanina. Ngunit mabigat pa rin sa loob ko ang gagawin ko kaya hanggang ngayon ay nandito pa rin ako sa kwarto ko.
Ilang saglit pa ay naka-receive na ako ng text galing kay Nathalie.
Where are you?
Nagpakawala ulit ako ng buntong hininga. Nireplayan ko na lang muna siya at sinabi na maghintay pa ng ilang minuto. Nakabihis naman na ako at handa nang umalis.
“Aki
