AKIRA’S POV
Inipon ko ang lahat ng lakas na natitira ko upang kumawala sa lalaking gumulo ng gabi ko. Nagawa ko naman iyon at nabitawan niya ako. Ngunit dahil sa sobrang hilo ko pa rin ay muntik na naman akong matumba, but this time, alam kong si Shin na ang nakasalo sa akin.
“Hindi niyo yata ako nakikilala, ako ang may-ari ng bar na ito,” mayabang na sabi ng lalaki.
Napairap naman ako. Hanggang ngayon ay hindi pa rin pala siya tapos sa pagyayabang niya.
“Kaya ba ang lakas mong mambiktima ng babae dahil ikaw pala ang may-ari ng walang kwentang bar na ito?” baritonong sabi naman ni Shin.
“At sa tingin mo naman ay gandang ganda ako dyan sa girlfriend mo? Tss. Umalis na lang kayo sa bar ko,” sabi naman ng lalaki.
Aba loko itong lalaking ito a. May balak pa yata akong laitin. Bumitaw ako
