AKIRA’S POV
“Sure ka ba na kaya mo nang pumasok?” tanong sa akin ni Shin habang palabas kami ng mansion.
Tumango lang ako sa kaniya. Maayos naman na ang pakiramdam ko at isa pa, ayokong maging dalawang araw ang absent ko. Malaki ang magiging epekto no’n sa pagiging honor student ko. Goal ko rin kasi ang gumraduate sa Academy na may honor para ma-proud sa akin ang mga magulang ko. Nakakahiya naman kasi na hindi ako magkaroon ng award gayung ako ang nag-iisang anak ng sikat na mag-asawang Montenegro.
Hindi naman ako sana mape-pressure ng ganito kung hindi nabunyag sa lahat ang totoong pagkatao ko. Though, honor student na ako simula noong first year pa lamang. Pero pakiramdam ko ay mas lalong nadagdagan ang pressure dahil nga sa alam na ng lahat kung sino talaga ako. Pakiramdam ko ay kina
