AKIRA'S POV
Padabog akong tumingin sa orasan ko at napabuntong hininga ako nang makitang alas tres na ng madaling araw. Hindi pa rin ako dalawin ng antok at naiinis ako dahil may pasok pa ako mamaya. Hindi ako makatulog dahil paulit-ulit na naglalaro sa utak ko ang sinabi ni Shin sa akin. Hanggang ngayon ay hindi pa rin ako makapaniwala sa mga narinig ko mula sa kaniya.
Hindi ko na nga rin nagawang kumain pa ng hapunan dahil pakiramdam ko ay hindi ko kayang harapin si Shin. Nagtiis na lang muna ako sa mga biscuit na naka-stock dito sa kwarto ko para maitawid ko ang gutom ko kanina. At ngayon ay nakakaramdam ako ng uhaw, sa kasamaang palad ay naubos na ang tubig ko.
Panigurado namang tulog na si Shin kaya inipon ko ang lahat ng lakas ko upang bumangon at bumaba sa kusina. Bago ako tuluya
