KANJI SHIN’S POV
Dahil sa sobrang kalasingan ni Akira ay hindi na niya magagawa pang pumasok. Kung hindi ko nga lang kailangang kausapin si Inaki ngayong araw ay hindi na rin dapat ako papasok. Medyo panatag naman ako na hindi na tatakas ulit si Akira dahil may hang-over pa siya. At panigurado ring bantay sarado siya nina Louie dahil hindi na gugustuhin ng mga kalahi ko na matakasan pa ng pasaway na si Akira.
Pagkarating ko sa Academy ay alam kong late na ako. Ngunit hindi ako dumeretso sa classroom dahil sa rooftop ang usapan namin ni Inaki at alam kong nandoon pa rin siya para hintayin ako. Mabuti na lamang na walang nakakita sa akin na teacher kaya wala akong naging aberya.
Nakaupo sa may sahig si Inaki at nakaub-ob ang ulo niya sa mga tuhod niya. Napabuntong hininga naman ako dahil
