Napakunot ang noo ni Vladymir nang mabungaran si Rico at Lana na magkasama. Nagtatawanan pa. Kakatapos niya pa lang turuan ang kinder students na hawak niya ng basic letters at numbers at medyo pagod siya dahil makukulit ang mga bata at kailangan niyang magtimpi. Tapos ay ito pa ang mabubungaran niya. Nag-igting ang mga ugat sa braso ni Vladymir habang hawak ang mga papel ng estudyante niya. Malakas siyang tumikhim at nagdire-diretso sa table niya kung saan nakatayo si Rico.
"Excuse me," malakas na sabi niya bago bahagyang itinulak papausog si Rico at umupo sa upuan niya. Inilapag niya ang mga papel sa ibabaw ng desk niya at nag-umpisang mag-grado.
"Uy, Alexei, sama ka mamaya? Nag-aaya kasi si Rico na kumain sa la—"
"Have you forgotten, Lana?"
"Ha?"
"May date tayo mamaya."
Hindi i
