Nakatayo sa harapan ng salamin si Dominic. Mugto ang kanyang mga mata dahil sa matagal na pag-iyak. Nakatitig lamang siya sa salamin at tulala. Ang gulo ng kanyang buhok at kahapon pa niya suot ang kanyang damit dahil hindi pa siya nakakaligo ulit.
Lumipas ang sandali. Muling tumulo ang luha mula sa kaliwa niyang mata at bumakas ang galit sa kanyang mukha. Nagagalit si Dominic sa mga nangyayari sa buhay niya ngayon. Nagagalit siya sa itaas kung bakit tila ginagawa nitong impyerno ang buhay niya.
‘Akala ko ba anak niyo ang mga tao? Pero bakit niyo ito ginagawa sa akin? Sila ba ang anak niyo at ako ay hindi? Bakit nangyayari ang lahat ng ito sa akin? Bakit ginawa niyong miserable ang buhay ko? Bakit? Bakit? Bakit?’
Hindi mapigilan ni Dominic na sisihin ang nasa Itaas sa mga hindi magandan
