Nagising mula sa mahimbing na pagkakatulog si Dominic. Ramdam ng katawan niya ang kalambutan ng kung ano mang bagay na kinapapatungan ngayon ng kanyang nanghihina pa ring katawan.
In-adjust ni Dominic sa liwanag ang kanyang mga paningin sa pamamagitan nang pagpikit-dilat at marahang pagkusot sa kanyang mga mata. Pamaya-maya ay na-adjust na rin ito. Dahan-dahan siyang bumangon saka naupo.
Medyo nanlalabo ang mga mata ni Dominic dahil wala siyang suot na salamin pero hindi naging hadlang iyon para may makita pa rin siya sa paligid.
Napansin ni Dominic ang ganda ng lugar kung nasaan siya ngayon. Tila isa itong malaking kwarto ng isang malaking mansyon o hotel. Ang kamang inuupuan na niya ngayon ay doble ang laki kumpara sa isang ordinaryong kama. Sa kanya ngang palagay ay kasya ang apat na
