Mahabang katahimikan ang bumabalot sa loob ng malaking kwarto. Nakaupo sa gilid ng malaking kama si Dominic habang nakatayo naman ng tuwid at nakapamulsa ang mga kamay sa tapat ng malaking bintana si Axel Vince at matamang tinitingnan ang view sa labas.
Lumipas pa ang ilang minuto ay humugot ng hininga si Axel na narinig naman ni Dominic kaya napatingin siya sa binata. Lumingon naman sa kanya ang una.
Ngumiti ng may pait si Axel. Tinalikuran niya ang bintana saka hinarap ang kinaroroonan ni Dominic. “Saksi ako sa lahat ng mga nangyari. Sa lahat ng paghihirap ng aking kapatid,” ang biglang wika niya bilang panimula sa mahaba-habang kwento niya.
Kumunot ang noo ni Dominic. Inayos pa niya ang suot na niyang salamin sa mata habang tinitingnan pa rin si Axel.
“Umamin sa akin ang aking kapat
