“Pumapayag ka na ba sa alok ko?” tanong ni Axel kay Dominic. Nasa kwarto pa rin silang dalawa.
Tiningnan ni Dominic si Axel. Seryoso ang mukha niya. Hindi ito kaagad sumagot sa tanong ng binatang nasa kanyang harapan.
Huminga naman ng malalim si Axel. Nakikita niya kay Dominic na nahihirapan itong magdesisyon.
“Hindi kita pinipilit na pumayag sa kagustuhan ko. Alam kong mahirap iwanan ang sariling buhay na simula kapanganakan ay naging buhay mo na. Mahirap iwanan ang mga taong naging bahagi ng buhay mo lalo na ngayong kasalukuyan,” wika ni Axel sa seryosong tono. “Sabihin mo lang sa akin ngayon din ang desisyon mo dahil ayokong magsayang ng oras. Kung hindi ka man pumayag, maluwag ko naman iyong tatanggapin at palalayain rin naman kita. Sana lang hindi makarating sa iba ang mga balak ko
