“`AYAN, okay na pala sugat mo sa ulo at likod mo. Hilom na. Pero bukas, pupunta pa rin tayo sa doktor para sa check-up mo,” sabi sa akin ni Logan after niyang palitan ng benda ang mga sugat ko.
“Okay na naman pala. Bakit pupunta pa tayo ng doktor?” tanong ko. Nakaupo kami sa may pintuan. Pagabi na ng oras na iyon. Ala-sais na yata. Papalubog na kasi ang araw, e.
Mula sa kinaroroonan namin ni Logan ay tanaw namin nag malawak na dagat na nagiging kulay orange ang ilang bahagi dahil sa kulay orange na sinag ng araw.
“Para makasiguro tayo na okay ka na talaga.”
“Hindi ba gastos lang `yon?”
“`Wag mong isipin ang gastos, asawa ko. May ipon tayo.”
Maya maya ay dumating si Kikay. Bihis na bihis ito na akala mo ay pupunta sa isang party. Meron pa itong malaking ribbon sa ulo na kulay pula.
“
