Nang mawala sa paningin ni Ruby ang buong katawan ni Luis ay umupo na muna siya sa lapag, sa paniniwalang aabutin ng ilang oras bago maisagawa ni Luis ang inutos sa kanya ni Ruby. Pinagmasdan niya nang maigi ang paligid at ngayon lang napagtantong napakaganda nga roon at maaaring mag relax ang kahit na sino, na para bang lahat ng problema ng mga taga Muujan ay mawawala sa oras na mapunta sila rito. Pinikit ni Ruby ang mga mata niya upang namnamin ang sariwang simoy ng hangin.
Lumitaw sa harapan ni Ruby ang ulo ni Luis at nagulat ito kasi eksakto ang pagmulat niya mula sa pagkapikit, sa pagbungad sa kanya ni Luis. "Jusko, ano ba 'yun? Kailangan bang manakot, tsaka bakit ulo mo lang ang nakikita ko?" pagtataka niya dahil sa taglay na teleportation na abilidad ni Luis.
"Sinusubukan ko lang
