"Ano na naman bang paraan 'yan? Hindi ko na maituloy-tuloy man lang ang paggamit ko ng bago kong natutunang abilidad, palagi na lang nabibitin," pagrereklamo ni Ruby kay Draxi nang magbanggit ito ng tungkol sa isang plano na maaari nilang gawin para masigurong walang masasaktan maski isa sa kanila.
"Simple lang, kailangan lang may maideklarang panalo o talo sa elimination," maiksing sagot ni Draxi habang tumatakbo ang dalawang estudyante at siya naman ay nakabuntot sa mga ito nang lumilipad. "Kaso, kahit pa gaano kasimple iyon ay hindi ko maintindihan kung bakit hindi pa rin napapabilang si Ymir sa panalo..." naguguluhang dugtong niya.
Sa bawat paghakbang ng mga estudyante papalayo kay Yuki ay sumusunod sa kanila ang malakas na hangin kaya't alam nilang wala silang takas kahit pa saan si
