“Magsimula na ba tayo sa ating elimination para sa unang buwan ng iyong klase?!” patanong na sigaw ni Qing kaya’t bumalik ang atensyon nilang apat sa harapan kung saan naroroon nakatayo sa stage ang dalawa. “Kung handa na kayo, ano pa ang hinihintay niyo? Pumunta na kayo sa mga naka-assign na room sa inyo! ‘Wag niyong kalilimutan na elimination lang ito para sa mababa at mataas na antas ha? Hindi ko sinabi sa inyong magpatayan kayo para makita kung sino ang mas malakas dahil baka pag tinignan ko kayo isa-isa ay marami nang namatay at ayaw ko mangyari iyon. Galingan ninyong lahat,” pagpapaalala ni Qing sa mga estudyante bago siya lumisan kasabay ni Quin. Sa puntong iyon ay may lumabas sa pader ng stage na isang malaking screen na nagpapakita ng oras. Nagsimula iyon sa alas singko at paatras
