AGATHA'S POV
Pagkatapos magluto ni Nancy ay agad na pumwesto kami sa may verandah ng bahay nina Celine. Mas gusto kasi nila ditong mag-inom dahil presko ang hangin. Gusto rin nilang magsimula na agad kami dahil pakiramdam nila ay mahaba-habang usapan ang mangyayari.
Nang makaupo na kami ay agad akong tinagayan ni Celine. Tinanggap ko naman iyon at mabilis na ininom ang alak. Ramdam na ramdam ko ang pagguhit ng init sa lalamunan ko. Pero balewala sa akin iyon.
"So kumusta ang resto mo sa resort?" panimulang tanong sa akin ni Nancy.
Bahagya naman akong napangiti. "Okay naman. Dinumog ng mga tao dahil syempre first day."
"Ano ka ba! Paniguradong hindi lang sa first day dudumugin ang resto mo," sabi naman ni Liza sa akin.
Mas lalo naman akong napangiti. Noong magsisimula pa lang kasing i
