AGATHA'S POV
"Matibay naman ang bintana mo 'di ba?" kinakabahan kong tanong kay Kean. Sunod sunod kasi ang paghampas ng hangin sa may bintana ng kwarto at sa bawat tunog na nililikha nito ay nagugulat ako. Narinig ko naman ang mga mahihinang tawa ni Kean kaya napatingin ako sa kaniya. Nakatingin siya sa akin at ipinatong niya ang kaniyang mug sa table.
"Oo naman. Don't worry, marami nang bagyo ang dumaan dito pero wala pang nakakasira sa bahay ko," nakangiti niyang sagot sa akin.
Patuloy lang ang paghampas ng hangin at naririnig ko pa ang pagsipol nito. Galit na galit ang bagyo at nagsisimula na akong makaramdam ng takot. Sanay na sanay na ako sa mga bagyong dumadaan sa probinsya namin dati pero sa ilang taon ko rin kasi sa Manila, ngayon na lang ulit ako natakot sa bagyo. Panghahawakan
