AGATHA'S POV
Pagkatapos naming kumain sa sentro ng isla ay naglibot lang kami sa munisipalidad ng Boac. At sa paglilibot ay nakarating na kami sa munisipalidad ng Gasan. Marami ring mga resort dito dahil nasa tabing dagat din ito katulad ng munisipalidad ng Torrijos. Dito kami dinala ng motor niya sa seaside viewpark. Malakas ang hangin kaya kahit medyo mainit na ay hindi ramdam ang banas. Malaki rin ang mga alon dahil sa lakas ng hangin.
"Siya nga pala, pasensya ka na kina Mama kanina. Kung ano ano na siguro ang sinabi nila sa 'yo kanina," pagbasag ko sa katahimikan.
"Ayos lang. Nakakatuwa nga sila lalo na ang mga kapatid mo. Pareho na silang dalaga at binata samantalang huli ko silang nakita ay mga bata pa sila," nakangiti naman niyang sabi sa akin.
Napangiti na lang din ako. Halos l
