Mabibilis ang mga bampira at sampung beses ang lakas nila kumpara sa mga ordinaryong tao. Matatalino at nag-iisip ang mga ito. Bihasang-bihasa sa pakikidigma dahil na rin sa napakahabang panahong pakikidigma sa mga mortal na tao at elemental na nilalang. Mahirap silang magapi dahil na rin sa kakayahan nila sa pambihira nilang bilis at lakas.
Patuloy na pinagtutulungan ng limang bampira si Odessa. Gamit ang kalahating bahagi ng Eskrihala ay tila isinasayaw ito ng kanyang eleganteng mga galaw sa paghawak at paggamit sa sandata. Nasa anyong espada ang Eskrihala kaya limitado lamang ang mga galaw na nagagawa ni Odessa sa paggamit ng sandata. Gamit naman ni Randy ang kalahating bahagi ng Eskrihala at kusang sumusunod ito sa bawat utos ng kanyang isip lalo na't ginawa talaga ang Eskriha
