Halos katanghaliang tapat na nang makita nina Odessa mula sa himpapawid ang napakalaking mansion ni Claudius, ang Villa Hermanuevo sa bahagi ng Malolos sa Bulacan. Napapaligiran ito ng mga makakapal na puno na madalas ikinukubli ito sa sino mang napapagawi malapit dito. Halos magdadalawang-daang taon na rin ang nakakaraang ng ipinatayo ni Don Henrico Hermanuevo ang Mansion. Siya ang Biyenang lalaki ni Claudius na pinatay niya para mapasakanya ang mga ari-aran nito sa Pilipinas, at maisakatuparan ang kanyang pagnanais na pamunuan ang sanlibutan.
Nakakapaso ang sikat ng araw sa himpapawid at napakalinis ng kalangitan na tila winalis ang mga ulap na mabagal na gumagapang sa bughaw na langit. Tahimik ang paligid ng mansyon at walang nakikitang ano mang mga pagkilos sina Odessa. Takot
