Nangangamoy pa rin sa loob ng mansiyon ang nasunog na laman ng mag-asawang Amanda at Miguel habang kasalukuyang inaalis ang sunog na sunog nilang mga labi na halos maabo na. Nakatingin si Claudius sa mga taong naglilinis sa sala at inuutusan naman niya ang ibang mga trabahador na maghanda ng piging para sa dalawang nagbuwis ng buhay para sa kanya.
"Ang gusto ko ay ihanda ninyo ang may dalawamput-limang kabataang babae at dalawampung kabataang lalake para pagsaluhan lahat ng mga naririto sa mansiyon." ang utos nito sa tagapamahala ng mga nahuhuling mga mortal.
"Panginoon, mayroon na lamang po tayong labing-apat na bilanggong kabataang babae at walong lalake sa kulungan sa basement. Karamihan po kasi ay mga bata at mga may-edad na." ang tugon ng nakayukong tauhan niya.
"An
